Jetisý oblysynda 5,5 mln teńgege kenege qarsy dári satyp alyndy
«Jetisý oblysynda kenege qarsy óńdeý jumystarynyń ekinshi kezeńi 1 maýsymnan bastaldy. Sáýir aıynda Ulttyq saraptama ortalyǵy óńdeýge arnalǵan 230 lıtr «Favorıt» dárisi jetkizildi. Dáriler 5 mıllıon 552 myń teńgege satyp alyndy», - delingen Jetisý oblystyq Sanıtarııalyq-epıdemıologııalyq baqylaý departamenti baspasóz qyzmetiniń málimetinde.
Vedomstvonyń aqparatyna sáıkes, dári barlyq aýdan, qalaǵa taratylǵan. Búgingi kúni Taldyqorǵan qalasyndaǵy ardagerler saıabaǵynda 13 ga jerge kenege qarsy óńdeý jumystary aıaqtaldy. Al Aqsý, Alakól, Eskeldi, Kerbulaq, Sarqan aýdandary men Tekeli qalasynda turǵyndar kóp demalatyn ashyq aýmaqtarda óńdeý jumystary bastalyp, júrgizilýde.
«Sondyqtan turǵyndardan kenelerdi joıý jumystary týraly jazylǵan belgileri bar aýmaqtarǵa barýdan bas tartýdy suraımyz. Sonymen qatar óńdeý júrgizilgen kúnnen bastap alǵashqy 3 kún ishinde osy aýmaqtarǵa barýdan, jerde jatyp demalýdan aýlaq bolýdy eske salamyz», - delingen vedomstvo habarlamasynda.
Sondaı-aq kenelerdi joıý jumystary júrgizilgen aýmaqta 45 kún boıy mal jaıýǵa tyıym salynady.
