Jetisý oblysynda 3 jastaǵy balanyń denesi tabyldy

TALDYQORǴAN. QazAqparat - Jetisý oblysynyń Panfılov aýdanynda joǵalǵan 3 jastaǵy balanyń denesi tabyldy, dep habarlaıdy QazAqparat tilshisi.

«20 mamyr kúni Panfılov aýdanynyń polıtsııasyna Almaly aýylynyń turǵyny shaǵymdandy. Ol 3 jastaǵy balasynyń joǵalyp ketkenin jetkizdi. Anyqtalǵandaı, bala dalada oınap júrip, joǵalǵan. Balany izdestirýge 100-den asa adam jumyldyryldy. Onyń ishinde aýyl turǵyndarymen qatar polıtsııa jáne áskerı qyzmetkerler de bar. Balanyń múrdesi aryqtan tabyldy», - delingen Jetisý oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, balanyń denesi úıinen 3 shaqyrym jerden tabylǵan. Boljam boıynsha, bala kanalǵa qulap, ony sýdyń qatty aǵyny alyp ketken.