Jetisý oblysynda 3 oqýshy júkti bolyp qaldy
Júkti bolǵan qyzdar - 9 jáne 10-synyp oqýshylary. Máselen, Panfılov aýdanynda júkti bolǵan qyz 9-synypta oqıdy. Al Sarqan aýdany men Tekeli qalasynda ekiqabat bolǵan qyzdar 10 synyptyń oqýshysy.
QazAqparat tilshisi anyqtaǵan derekti Jetisý oblystyq Bilim basqarmasy rastady.
Aıta keteıik, buǵan deıin Jetisý oblysynyń Tekeli qalasyndaǵy №8 mektepte erte júktilikke qatysty tárbıe saǵatyn ótkizgen mamandardyń basy daýǵa qalǵan bolatyn. Sebebi, túsindirý jumysyn júrgizgen aýrýhana psıhology jezókshelerge arnalǵan broshıýrany oqýshylarǵa taratyp, ata-analardyń jaǵasyn ustatty.
Týyndaǵan daýdan keıin aýrýhana psıhology óz erkimen jumystan ketip, mektep dırektorynyń tárbıe isi jónindegi orynbasary sógis alǵan bolatyn. Belgili bolǵandaı, oqýshylarmen erte júktilik boıynsha kezdesýdi ótkizgen aýrýhana psıhology mektep ákimshiligine balalarǵa taratylatyn nusqaýlyqty kórsetpeı, bekitpeı, óz betinshe bere salǵan.
