Jetisý oblysynda 3 aı buryn joǵalǵan 22 jastaǵy qyz tabyldy
TALDYQORǴAN. QazAqparat – Jetisý oblysynda 3 aı buryn joǵalǵan 22 jastaǵy qyz tabyldy, dep habarlaıdy QazAqparat tilshisi.
«Tamyz aıynyń basynda Eskeldi aýdanynyń polıtsııa bólimine úıden shyǵyp ketip, oralmaǵan 22 jastaǵy qyzdyń jaqyndary habarlasty. Oqıǵa Baqtybaı aýylynda bolǵan. Jaqynda kóshi-qon qyzmetiniń mamandary izdeýshilermen birlesip, qyzdyń júrgen jerin anyqtaı aldy. Qyz kórshiles Almaty oblysynyń aýdandarynyń birinen tabyldy», - delingen Jetisý oblystyq polıtsııa departamenti baspasóz qyzmetiniń habarlamasynda.
Departament aqparatyna sáıkes, qazir qyz bala ata-anasyna oraldy. Onyń nelikten úıinen ketip, baılanysqa shyqpaǵany belgisiz.
