Jetisý oblysynda 2 myńǵa jýyq kásipkerdiń quqyǵy qorǵaldy
Orta jáne shaǵyn bızneske kedergi keltirgen 43 laýazymdy tulǵa ákimshilik jáne tártiptik jaýapkershilikke tartylǵan. Al agroónerkásip sektorynda 40-tan astam sharýa 800 mln teńgege jýyq sýbsıdııalyq tólemderin ala almaı júr. Jekemenshik balabaqshada qyzmet etetin pedagogter memlekettik qoldaýdan qaǵylyp otyr.
Jol jóndeý jumystarynyń saǵyzsha sozylýynan týrızm salasyndaǵy kásipkerler shyǵynǵa batqan. Kásipker máselesin jyldam sheshý úshin quqyq qorǵaý organdary ókilderinen turatyn mobıldi top quryldy.
«Mobıldik toptyń qurylymy osy bizdiń óńirdiń turǵyny, ár kásipker qaı jerde bolsyn, sol mobıldi topqa kirip, habarlasyp, quqyǵynyń buzylyp jatqanyn aıtyp, kórsetse biz shara qoldanýǵa daıynbyz», - deıdi Jetisý oblystyq prokýratýrasynyń basqarma bastyǵy Aıdyn Ákimhanov.
