Jetisý oblysynda 13 jastaǵy qyzdy zorlaǵan naǵashysynyń isi sotta qaralýda

TALDYQORǴAN. QazAqparat - Jetisý oblysynda 13 jastaǵy oqýshy qyzdy zorlady degen kúdikpen ustalǵan naǵashysynyń isi sotta qaralýa, dep habarlaıdy QazAqparat tilshisi.

Jetisý oblystyq qylmystyq ister jónindegi mamandandyrylǵan aýdanaralyq sottyń baspasóz qyzmetiniń málimetinshe, qazir atalǵan iske baılanysty sot protsessi júrip jatyr.

«Oqıǵa 2022 jyldyń 2-tamyzynda Eskeldi aýdany Qaratal aýylynda bolǵan. Sottalýshy - 1979 jylǵy er adam. Ol 13 jastaǵy jábirlenýshiniń týǵan naǵashysy bolyp keledi. Qazir atalǵan is Qylmystyq Kodekstiń 121-babynyń 4-bóligi (Jas balaǵa kúsh qoldanyp, dármensiz kúıin paıdalanyp, seksýaldyq sıpattaǵy ózge de áreketter jasaǵan) boıynsha sottyń qaraýynda»,- delingen vedomstvonyń habarlamasynda.

Baspasóz qyzmetiniń málimetinshe, sottalýshynyń aıyby tolyqtaı dáleldense zańǵa sáıkes, 20 jylǵa deıin nemese ómir boıyna bas bostandyǵynan aıyrylýy múmkin.