Jetisý oblysynda 129 kámeletke tolmaǵan bala polıtsııaǵa jetkizildi
Іshki ister mınıstrliginiń nusqaýyn oryndaý úshin, sondaı-aq kámeletke tolmaǵandar jasaǵan jáne olarǵa qatysty jasalǵan qylmystar men quqyq buzýshylyqtardyń aldyn alý, jasóspirimder arasyndaǵy qadaǵalaýsyz jáne panasyz qalýdyń aldyn alý, balalardyń eńbegin zańsyz paıdalaný faktilerin anyqtaý maqsatynda oblys aýmaǵynda «Túngi qaladaǵy balalar» jedel-profılaktıkalyq is-sharasy ótkizilip jatyr.
Atalǵan is-sharaǵa qalalyq jáne aýdandyq polıtsııa bólimsheleriniń jeke quramy, sondaı-aq jergilikti atqarýshy organdardyń, bilim berý, densaýlyq saqtaý organdarynyń jáne ata-analar komıtetiniń ókilderi barynsha tartyldy.
«Profılaktıkalyq is-sharanyń alǵashqy kúninde 130-dan astam ákimshilik quqyq buzýshylyq anyqtaldy. Polıtsııa bólimderine 129 kámeletke tolmaǵan bala jetkizildi. Olardyń ishindegi 117 fakti túngi ýaqytta bolǵan. Profılaktıkalyq esepke 12 kámeletke tolmaǵan bala jáne 7 qolaısyz otbasy qoıyldy», - dedi Jetisý oblysy PD JPQB ıÝPT aǵa ınspektory Serik Baıgozınov.
Іs-shara barysynda ákimshilik quqyq buzýshylyqtardy, onyń ishinde alkogoldik ishimdik ishý, usaq buzaqylyq, túngi ýaqytta oıyn-saýyq mekemelerinde nemese zańdy ókilderiniń erip júrýinsiz úıden tys jerde (túngi klýbtar, oıyn-saýyq oryndary, saıabaqtar jáne t.b.) bolǵan jasóspirimder anyqtaldy.
Kámeletke tolmaǵandardyń eńbegin zańsyz paıdalaný faktilerin anyqtaý maqsatynda kásiporyndar, oıyn-saýyq jáne saýda oryndary tekserilip jatyr.
Profılaktıkalyq is-shara 19 shildege deıin jalǵasady.
