Jetisý oblysynda 1200 sheteldik kólik zańdastyryldy
«23 qańtardan bastap 1 206 sheteldik kóliktiń ıeleri memlekettik nómir aldy. Avtomobılder Qyrǵyz Respýblıkasynan, RF, Grýzııa, Armenııa, BAÁ, Mońǵolııa, Belarýs, AQSh jáne Koreıadan ákelindi. Sonymen qatar, 2020 jyldan bastap ýaqytsha esepte turǵan 34 avtokólik zańdastyryldy. Memlekettik nómirdi 345 avto-konstrýktorlar ıesi de aldy», – dedi
Jetisý oblysy PD Ákimshilik polıtsııa basqarmasy bastyǵynyń mindetin atqarýshy Dıas Aınaqulov.
Bıyl 1 shildege deıin ótinim bergen Qazaqstannyń barlyq azamatyna kórsetilgen merzimnen keıin avtomobılderdi zańdastyrý quqyǵy beriledi. Eýrazııalyq ekonomıkalyq odaq elderinde burynǵy tirkelgen jeri boıynsha esepten shyǵarylmaǵan jáne osy sebepti zańdastyrylmaǵan avtomobılderge qatysty, atalǵan kólik ıelerine kóligin Qazaqstanda 5 jyl merzimge ýaqytsha esepke qoıýǵa quqyǵy bar.
«Sheteldik esepte turǵan avtokólikterdi Qazaqstan Respýblıkasynyń zań talaptaryn buzyp paıdalanýdy jalǵastyrǵan azamattarǵa tıisti sharalar qabyldanady», – dep atap ótti D. Aınakýlov.
Esterińizge sala keteıik, Memleket basshysynyń tapsyrmasyna sáıkes Іshki ister mınıstrligi basqa memlekettik organdarmen birlesip, osy jyldyń 23 qańtar men 1 shilde aralyǵynda 2022 jylǵy 1 qyrkúıekke deıin elimizge ákelingen sheteldik avtokólikterdi zańdastyrý jumystaryn uıymdastyrdy.
