Jetisý oblysynda 12 mekteptiń qurylysy júrip jatyr

TALDYQORǴAN. QazAqparat – Jetisý oblysynda 12 mektep salynyp jatyr. Memleket basshysy Qasym-Jomart Toqaev oblys jurtshylyǵymen kezdesýinde qurylys sapasyn qatań baqylaýdy tapsyrdy, dep habarlaıdy QazAqparat Aqordaǵa silteme jasap.

«Ádiletti Qazaqstandy qurý degenimiz – barsha azamattarǵa birdeı múmkindik jasaý degen sóz. Sapaly bilim jastardyń bolashaqqa senimmen qadam basýyna jáne elimizdiń damýyna jol ashady. Sondyqtan, jas urpaqtyń, ásirese, aýylda turatyn balalardyń jaıly mektepte alańsyz bilim alýyna jaǵdaı jasaý óte mańyzdy.

Bul óńirde apatty jaǵdaıda turǵan jáne úsh aýysymmen oqytatyn mektep joq. Biraq bosańsýǵa bolmaıdy. Qazir aımaqta 12 mektep salynyp jatyr. «Jaıly mektep» ulttyq jobasymen aldaǵy 3 jylda taǵy 7 bilim oshaǵyn salý josparlanyp otyr. Osy oraıda, merdigerlerdiń jumysy sapaly bolýy kerek. Olardyń jumysyn qatań baqylaýǵa alý qajet», - dedi Prezıdent.