Jetisý oblysynda 10 myń qoraptan astam zańsyz temeki ónimderi tárkilendi

JETІSÝ. QazAqparat – QMA Jetisý oblysy boıynsha departamenti Baqylaý-esepke alý markalary joq aktsızdeletin (temeki) ónimderdi tasymaldady degen kúdikke ilingen azamatqa qatysty sotqa deıingi tergep-tekserý jumystaryn júrgizip jatyr, dep habarlaıdy QazAqparat.

Júk kóligin tekserý barysynda jalpy quny 7 mln ​​teńgeden asatyn, tirkeý jáne baqylaý belgileri joq 10 myńnan astam qorap temeki ónimderi tabylyp, tárkilendi. Osy jaıtqa baılanysty sotqa deıingi tergeý jumystary júrip jatyr.

QR QPK 201-babyna sáıkes, tergeý múddesin kózdeıtin ózge málimetter taratýǵa jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.