Jetisý oblysy bilim basqarmasynyń basshysy Aıjan Adambekova óz erkimen jumystan ketti

TALDYQORǴAN. QazAqparat - Jetisý oblysy bilim basqarmasynyń basshysy Aıjan Adambekova óz erkimen jumystan ketti, dep habarlaıdy QazAqparat tilshisi.

QazAqparat tilshisine aqparatty Jetisý oblysy ákiminiń baspasóz qyzmeti rastady.

«Aqparatty rastaımyz. Aıjan Adambekova óz erkimen jumystan ketti», - dep jazdy vedomstvonyń baspasóz qyzmetinen.

Aıjan Mamanqyzy oblystyq bilim basqarmasynyń basshysy bolyp 2022 jyldyń 18 tamyzynda taǵaıyndalǵan.

Aıta keteıik, Taldyqorǵan qalalyq bilim bóliminiń basshysy 280 mln teńge paramen ustalǵan bolatyn.

Buǵan deıin prokýratýra taldyqorǵandyq esepshilerdiń ustalǵanyn rastady.

Keıin mıllıardtaǵan teńgeni urlaǵan taldyqorǵandyq esepshiniń isine Antıkor aralasty.

Antıkor Taldyqorǵannyń bilim bólimi qyzmetkerleriniń sómke-sómke aqshamen ustalǵan vıdeosyn jarııalady.