Jetisý oblystyq máslıhatynyń hatshysy saılandy
8 maýsym kúni oblystyq máslıhat depýtaty Aset Qydyrmanovtyń tóraǵalyǵymen Jetisý oblystyq máslıhatynyń birinshi uıymdastyrý sessııasy ótti.
Onda jańadan qurylǵan Jetisý oblysynyń máslıhat hatshysy laýazymyna Gúlnár Toılybaeva saılandy.
Eńbek jolyn mektep muǵalimi qyzmetinen bastaǵan Gúlnár Qojaǵulqyzy ár jyldary Eskeldi aýdanynyń ishki saıasat bóliminiń bas mamany, odan keıin «Nur Otan» partııasynyń oblystyq fılıalynda bólim meńgerýshisi, atalǵan mekemede tóraǵanyń orynbasary, birinshi orynbasary qyzmetterin atqardy.
Osy ýaqytqa deıin «Amanat» partııasy Almaty oblystyq fılıalynyń atqarýshy hatshysy qyzmetinde boldy.
Jetisý oblysynyń máslıhat depýtattary budan bólek, turaqty komıssııalardy qurý, san quramyn belgileý jáne olardyń quramyn saılaý, «Jetisý oblystyq máslıhatynyń apparaty» memlekettik mekemesin qurý, qurylymyn jáne shtat kestesin, mekemeniń reglamentin bekitti.
Eske sala ketsek, Qazaqstan Prezıdentiniń Jarlyǵyna sáıkes Almaty oblysynyń quramynan Jetisý oblysy bólinip shyǵady.
Osyǵan baılanysty 8 maýsym kúni Almaty oblystyq máslıhatynyń kezekten tys HH sessııasynyń sheshiminiń Almaty oblystyq jáne Jetisý oblystyq máslıhattary bólindi.
Soǵan sáıkes Almaty oblystyq máslıhatynda – 26 depýtat, Jetisý oblystyq máslıhatynda –19 depýtat bolyp bekitildi.
