«Jetisý» men «Aqsý» teń tústi

ASTANA. QazAqparat - Búgin fýtboldan premer-lıga komandalary arasyndaǵy el birinshiliginiń 16-týryndaǵy alǵashqy kezdesýdiń nátıjesi belgili boldy, dep habarlaıdy QazAqparat tilshisi.

Atalǵan týrdaǵy alǵashqy oıynda «Jetisý» (Taldyqorǵan) men «Aqsý» (Pavlodar oblysy) komandalary kezdesti.

Týrnır kestesinde taldyqorǵandyq klýb orta tusynda keledi. Esesine pavlodarlyq komanda kósh sońynda tur. Sondyqtan búgingi kezdesýde ekeýine de upaı qajet edi.

Komandalar 1:1 esebine qanaǵat bildirdi.

Dál qazir elordada «Astana» men «Atyraý» kezdesýi ótip jatyr.

Endi 20:00-de «Aqtóbe» men «Qaısar» (Qyzylorda), 21:00-de «Ordabasy» (Shymkent) men «Qyzyljar» (Petropavl) sheberlik baıqasady.

Al 23 shildede 18:00-de «Shahter» (Qaraǵandy) men «Kaspıı» (Aqtaý), 19:00-de «Qaırat» (Almaty) pen «Maqtaral» (Túrkistan) oınaıdy.

Bul týrdy 21:00-de «Tobyl» (Qostanaı) men «Oqjetpes» (Kókshetaý) komandalary túıindeıdi.