«Jetisý» keden beketinde jańa tekserý qurylǵysy ornatyldy
ALMATY. Naýryzdyń 11-i. QazAqparat /Erbol Azanbek/ - Almaty qalalyq kedendik baqylaý departamentine qarasty «Jetisý» keden beketinde "Rapıskan-624» jańa tekserý qurylǵysy ornatyldy.
Búgin atalǵan quraldyń Qazaqstandaǵy AQSh Elshiliginiń eksporttyq baqylaý jáne shekara qaýipsizdigi baǵdarlamasy ókilderiniń qatysýymen iske qosý saltanaty ótti, dep habarlaıdy QazAqparat departamenttiń baspasóz qyzmetine silteme jasap.
Bul qural atalǵan baǵdarlama aıasynda AQSh tarapynan syıǵa berilip otyr. Eksporttyq baqylaý jáne shekara qaýipsizdigi baǵdarlamasy ıadrolyq jáne hımııalyq, bıologııalyq qarýdy zańsyz tasymaldaý, taratýdyń aldyn-alýǵa baǵyttalǵan. Qazirge deıin atalǵan baǵdarlama aıasynda Qazaqstan kedenine 11 jınaq kedendik baqylaý qurylǵysy syıǵa berilgen. Bul quraldar jolaýshylar júkterin eń joǵary dáldikpen teksere alady.
