«Jetisý» fýtbol klýbynyń bas bapkeri aýysty
ASTANA. QazAqparat – Premer-lıgada óner kórsetetin taldyqorǵandyq «Jetisý» fýtbol klýbynyń bas bapkeri aýysty, dep habarlaıdy QazAqparat tilshisi.
Atalmysh fýtbol klýbynyń dırektory Qalmuhamet Dóńsebaev komanda oıynshylaryna jańa bas bapker Asqar Qojabergenov pen onyń kómekshisi Sergeı Klımovty tanystyrdy.
«Jetisý» fýtbol klýbynyń baspasóz qyzmetinen málim etkenindeı, buǵan deıin Almas Qulshynbaevpen jasalǵan kelisim-shart eki taraptyń kelisimimen buzyldy.
Asqar Qojabergenov «Esıl-Bogatyr» (Petropavl), «Ertis» (Pavlodar), «Tobyl» (Qostanaı) syndy komandalardy baptaǵan. 2014-2015 jyldary «Jetisýdy» jattyqtyrǵan. Sol jyly jetisýlyqtar el chempıonatynda ekinshi orynǵa kóterilip, kúmis júldeger atanǵan bolatyn. A.Qojabergenov 2012 jyldan beri Qazaqstan fýtbol lıgasy keńesiniń tóraǵasy mindetin atqarady.
Qazirgi kezde «Jetisý» 7 upaımen týrnır kestesinde onynshy orynda keledi.
Eske sala keteıik, budan buryn argentınalyq shabýylshynyń madrıdtik «Realdyń» qaqpasyna tórt gol soqqanyn jazǵan bolatynbyz.
