«Jetisý» «Chernomoretsti» tize búktirdi
ALMATY. 22 aqpan. QazAqparat - Túrkııanyń Antalııa qalasynda sońǵy oqý-jattyǵý jıynyn ótkizip jatqan Taldyqorǵannyń «Jetisý» fýtbol komandasy keshe Novosibirdiń «Chernomorets» komandasymen joldastyq kezdesý ótkizdi.
Premer lıgadaǵy el chempıonatynyń 2011 jylǵy kúmis júldegerleri Reseıdiń Birinshi dıvızıonynda óner kórsetetin qurdastarynan 1:0 esebimen basym tústi. Bul oıynda taldyqorǵandyqtar sapynan baıqaýda júrgen horvatııalyq legıoner Edın ıÝnýzovıch kózge tústi. Olar buǵan deıin 19 aqpanda Makedonııanyń Týrnova qalasynyń «Gorızont» komandasymen teń túsip, 0:0 esebimen tarasqan bolatyn.
«Jetisý» Túrkııadaǵy úshinshi oqý-jattyǵý jıynyn 14 aqpanda bastaǵan. 29 aqpanǵa deıin sozylatyn sońǵy ázirlikke bas bapker Serik Ábdiýálıev - Sergeı Stepanenko, Vladımır Logınovskıı, Zahar Korobov, Výle Trıvýnovıch, Mılosh Mıhaılov, Aıdar Kúmisbekov, Danııar Mýkanov, Vıktor Kovalev, Serikjan Mýjıkov, Azat Nurǵalıev, Sergeı Skoryh, Ivan Tsvetkovıch, Saıat Sarıev, Marko Djalovıch, Oljas Spanov, Daýren Qusaınov, Aqjol Serikjanov, Alekseı Şetkın, Aıdos Meıirmanov, Vladımır Berikbaev, Erık Dúısenbekuly, Nurjan Núsipjanov pen Áset Muqashevti shaqyrǵan bolatyn.
Olardyń arasynan qaqpashy V. Logınovskıı, jartylaı qorǵaýshy S. Mýjıkov pen shabýylshy A.Şetkın ulttyq quramanyń bas bapkeri Mıroslav Beranekten shaqyrtý aldy. Olar da qazir Túrkııada 22 aqpannan beri oqý-jattyǵy jıynyn ótkizip jatyr. 1 naýryzǵa deıin sozylatyn bul jıyn kezinde 29 aqpanda Qazaqstan men Latvııa quramalary arasynda resmı reıtıngtik joldastyq kezdesý ótpek.
