Jetisý aýdanynyń əkimi 361 aǵashtyń nege kesilgenin túsindirdi
ALMATY. QAZAQPARAT - Almatyda Jetisý aýdanynyń əkimi Muhtar Təjibaev óńirlik kommýnıkatsııalar qyzmetinde aýdannyń əleýmettik ekonomıkalyq damýy týraly esep berdi, dep habarlaıdy QazAqparat tilshisi.
2018 jyly Jetisý aýdany terrıtorııasynda «Qala kórkeıtý» kommýnaldyq kəsiporny 361 aǵashty kesken bolatyn. Aýdan basshysy jasyl jelektiń ne úshin otalǵanyn túsindirdi.
Onyń aıtýynsha, dəl osy aǵashtardy otaý aldyn ala josparlanǵan. Odan bólek 197 aǵashqa sanıtarlyq qyrqý jasaldy. 2400 aǵashtyń pishini ózgerdi.
"Aǵash kesý Tabıǵı resýrstar basqarmasynyń ruqsatymen ǵana júzege asady. Bul protsess tolyq qadaǵalanady. Saý aǵashtar kesilmeıdi, kóbine túbirinde aqaýy bar aǵashtar otalady. Onyń ornyna jas shybyqtar jylyna eki ret otyrǵyzylady. Bıyl biz 196 aǵash otyrǵyzdyq. Jaqynda taǵy 250 jas aǵash otyrǵyzylady. Kóktemde 500 tal, «Alma qala» aktsııasymen taǵy 500 aport kósheti otyrǵyzyldy. Aǵashtardy kesken kásiporyn eki jyl boıy jas kóshetterdi kútýge mindetteledi",- dedi aýdan əkimi Muhtar Təjibaev.
