Jetisý aýdanynda 181 eski úı súrýdi talap etedi
ALMATY. QAZAQPARAT - Almatyda óńirlik kommýnıkatsııalar qyzmetinde Jetisý aýdanynyń əkimi Muhtar Təjibaev eski úılerdi súrý men azamattardy jańa úılerge kóshirý jumystary týraly aıtty, dep habarlaıdy QazAqparat tilshisi.
Jetisý aýdany - Almatydaǵy iri óndiristik aýdandardyń biri. Munda 164 myń adam turady. Aýdandaǵy úılerdiń kópshiligi osydan jarty ǵasyr buryn boı kótergen. Əkimdiktiń habarlaýynsha, aýdanda 181 eski úı súrýdi talap etedi. Aýdan basshysy jýrnalısterden apatty úı men eski úıdi shatastyrmaýdy surady.
"Apatty úıler men eski úıler ekeýi eki túrli túsinik beredi. Apatty degen arnaıy komıssııanyń sheshiminen soń adam turýǵa jaramsyz dep tanylǵan úıler. Eski úıler degen birshama tozǵanmen adam turýǵa bolatyn úıler. Jetisý aýdanynda apatty úıler joq. Al 181 eski úı bar. Bul 1960 jyldary qos qabatty karkas pen qamystan salynǵan úıler. Baǵdarlama 2012 jyly ashyldy, 2013 jyly tolyq jumys bastaldy. Jetisý aýdanynda əli júrgizilmedi biraq», - dedi Muhtar Təjibaev.
Jetisý aýdanynda eski úıler Raıymbek-Botkın, Raıymbek - Goncharov sharshysynda súriledi.
"Bul eki kvartalda qurylysqa jeke ınvestor tartylady. Qurylys bıýdjet aqshasynan bolmaıdy. Bir bólmeli úılerdiń turǵyndaryna 1 bólmeli, 2 bólmeli páter ıelerine 2 bólme beriledi. Ərıne birden 180 úı salynbaıdy. Raıymbek, Botkın, Kazakov kósheleriniń sharshysynda 10 úı súriledi", - dedi aýdan əkimi Muhtar Təjibaev.
