Jetisý aýdany kásiporyndarynyń ónimi álemdik sapa standarttaryna sáıkes
Jetisý aýdanynda qalanyń ónerkásiptik óndirisi kóleminiń tórtten bir bóligin qamtamasyz etetin kásiporyndar shoǵyrlanǵan.
Baqytjan Saǵyntaev qaǵazdan gıgıenalyq ónim óndiretin «Papirone» jańa zaýytyn, «Free style» jıhaz óndiretin tsehty, sondaı-aq «Bıznestiń jol kartasy» baǵdarlamasy aıasynda iske asyrylǵan, nemis tehnologııasymen quıma tas shyǵaratyn jáne asfalt óndiretin «Almaty jol-qurylys kompanııasy» JShS zaýytyna bardy.
Máselen, osy jyldyń basynda paıdalanýǵa berilgen «Papirone» JShS zamanaýı zaýyty qaǵazdan 1 800 tonna gıgıenalyq ónim óndiretin bolady. Qoldanylatyn tehnologııalar men óndiristi avtomattandyrýdyń arqasynda ónim álemdik sapa standarttaryna sáıkes keledi. Joba aıasynda 113 jumys orny ashyldy.
Baqytjan Saǵyntaev «Freestyle» JShS jıhaz óndirý zaýytynda «qarapaıym zattar ekonomıkasy» salalarynyń damýymen tanysty. 150 adam jumys isteıtin zaýyt jyl saıyn 537 mln teńgeniń ónimin shyǵarady. Óndiriste ekologııalyq taza jáne qaýipsiz materıaldar qoldanylady.
Jumys sapary barysyndaǵy kelesi nysan – «Almaty jol-qurylys kompanııasy» JShS nemis tehnologııasy boıynsha asfalt jáne quıma tas shyǵaratyn zaýyt boldy. Bul asfaltbetondy qospalar, jol jáne qabyrǵa bloktary óndirisi byltyr «Bıznestiń jol kartasy» qatysýshylaryna kórsetiletin qoldaý sharalary aıasynda iske qosylǵan. Kásiporyn joǵary sapaly básekege qabiletti ónim shyǵarýǵa múmkindik beretin ozyq tehnologııalarmen jabdyqtalǵan.
«Búgin Jetisý aýdanynyń ındýstrııalyq áleýetimen tanystym. Munda qalanyń ónerkásiptik óndiris kóleminiń tórtten bir bóligin qamtamasyz etetin negizgi kásiporyndar bar. Jyldyń basynda qaǵazdan gıgıenalyq ónim shyǵaratyn «Papirone» JShS zaýyty ashyldy. Bul ónimderdiń sapasy óndiriste qoldanatyn tehnologııalar men avtomattandyrýdyń arqasynda sheteldik analogtardan esh kem emes. Kásipkerler jobaǵa 4,4 mlrd teńge ınvestıtsııa salyp, 113 jumys ornyn ashty. Bıýdjetke 150 mln teńge salyq aýdarymdaryn tóledi. Jıhaz shyǵarýmen aınalysatyn Free style kásiporny 20 jyldyń ishinde bútindeı jıhaz klasterin uıymdastyra bildi. Munda 150 adam eńbek etedi. Ótken jyly «Bıznestiń jol kartasy» baǵdarlamasynyń qarjylaı qoldaý kórsetýi arqasynda taǵy bir joba ómirge keldi. Bul asfalt-beton qospalaryn, jol men qabyrǵa bloktaryn óndirýmen aınalysatyn «ADSK» zaýyty», - dedi Baqytjan Saǵyntaev Instagram -daǵy jeke paraqshasynda.
Shahar basshysy almatylyq óndirýshilerdi qoldaýdyń mańyzdylyǵyn atap ótti. Jergilikti ónimdi paıdalaný sapany baqylaýǵa jáne tasymaldaý shyǵyndaryn qysqartýǵa múmkindik beredi.
Qalada joldardy, jaıaý júrginshiler jáne saıabaq aımaqtaryn jóndeý boıynsha aýqymdy jumystar júrgizilip jatyr. Jetisý aýdanynda bıyl 20 myń aǵash otyrǵyzylady.
