«Jetisý» arnasy kómekke muqtaj jandarǵa qol ushyn bermek

Osyǵan oraı arna ujymy arnaıy qaıyrymdylyq kontsertin uıymdastyrýda, dep habarlaıdy QazAqparat tilshisi.

Uıymdastyrýshylar sharadan túsken qarjyny teńdeı etip, eki adamǵa tabystamaq nıette. Biri - qos búıregi birdeı isten shyqqan  taldyqorǵandyq Bıjamal Eńsebaeva. 24 jastaǵy Bıjamalǵa donor qajet. Qazir búıregin berýge nıetti jandar habarlasý ústinde. Alaıda, otbasynyń qoly qysqa. Bıjamaldyń zeınet jasyndaǵy anasy ǵana bar. Bul týraly QazAqparat buǵan deıin de jazǵan bolatyn . Qarajattan taryqqan januıa múshesi jergilikti arnanyń qoldaýyna ıe boldy.

 

Al ekinshisi - sal dertine shaldyqqan Mansýr esimdi bala. Jas otbasynyń tuńǵyshtaryna da arna  kómek kórsetpek nıette.Jalpy, qaıyrymdylyq sharasynan 300 myń teńge kóleminde qarjy túsedi dep josparlanýda.

"Kontsert erekshe formatta ótedi. Kelýshiler birigip ən shyrqap, tamasha kóńil-kúıge  bólenedi degen senimdemiz. Bul shara arnamyzdaǵy "Ən shyrqaıyq" baǵdarlamasynyń bir jyl tolýyna oraı uıymdastyrylyp otyrǵanyn  atap ótkim keledi»,  -dedi  arnanyń prodıýseri Gúljan Qyzaıbaeva.

Aıta ketý kerek, kontsert búgin saǵat 17:00 bastalady.