Jetisý ákimdigi mamandary memlekettiń aqshasyn saraptama sheshiminsiz jumsamaq bolǵan
Óreskel zań buzýshylyqty sybaılas jemqorlyqqa qarsy is qımyl departamentiniń mamandary anyqtady.
Tekseris barysynda osyndaı 54 jaǵdaı áshkerelendi. Soǵan baılanysty merdiger mekemeni anyqtaıtyn baıqaýlar toqtatylyp, qujattar keri qaıtaryldy. Bul qarjy tıisti jobalyq-smetalyq qujat saraptamadan ótken soń ǵana qaıta bólinedi. Onda joldyń sapasy, tehnıkalyq talaptary naqty kórsetiledi.
Saladaǵylar kásipkerler quqyǵyn qorǵaý isine de mán berip keledi.
«Jetisý oblysyndaǵy myńnan asa kásipkerdiń quqyǵy qorǵaldy. Ákimshilik kedergiler jer qatynastary, bilim salasy jáne memlekettik kirister departamentinde júıeli túrde kezdesetini anyqtaldy», - dedi Jetisý oblystyq Sybaılas jemqorlyqqa qarsy is-qımyl departamentiniń basqarma basshysy Ermek Sultanqulov.
