Jetisaılyqtar tońyp otyryp kontsert tamashalaýǵa májbúr
Jetisaı qalasynda kontsert bergen «Óner qyrandary» ujymy Qurmanbek Jandarbekov atyndaǵy Jetisaı drama teatrynda jylýdyń joqtyǵyn aıtyp, áleýmettik jelide vıdeo qaldyrdy.
«Qatyp qaldym, jaýrap qaldym», «Jetisaı qalasyndaǵy mádenıet úıine esh nárse kerek emes, tek jylý berińizdershi, halyqtan obal», «dalada óner kórsetip jatyrmyn» - deıdi ártister.
Sahnadan da kórermenderdiń syrt kıimmen otyrǵanyn kórýge bolady.
Al, atalǵan jaǵdaıǵa qatysty pikir bildirgen Qurmanbek Jandarbekov atyndaǵy Jetisaı drama teatrynyń dırektory Bahyt Sraılov jylýdyń ýaqytyly berilip jatqandyǵyn jetkizdi.
«Ǵımarat tabıǵı gazben jylytylady. Jylý berilip tur. Degenmen, sahna jaqta «kolosnıkı» dep atalatyn teatr torlary bar. Olar 20-30 metr bıiktikte ornalasqan. Sol tóbeniń bıik bolýyna baılanysty jylýdyń barlyǵyn joǵaryǵa tartyp alady. Keńes úkimetiniń kezinde salynǵan ǵımarat jóndeý jumystaryn kórmegen. Úsh jyldan beri jóndeýge usynys berip kelemiz. Elde oryn alǵan tótenshe jaǵdaılarǵa baılanysty keıinge qaldyryp keldi. Endi keler jyly jóndeýden ótedi dep josparlap otyrmyz» - dedi ol.
