Jetisaılyq sharýalar bir jerden jylyna 2-3 ret ónim almaq

JETІSAI. QazAqparat - Túrkistan oblysynda tótenshe jaǵdaıǵa qaramastan egin egý naýqany bir sátke de toqtaǵan joq. Ásirese ońtústik aýdan sanalatyn Jetisaı aýdanynyń dıqandary bir jerge ekinshi daqyl egý isine kirisip ketti, dep habarlaıdy QazAqparat óńirlik kommýnıkatsııalar qyzmetine silteme jasap.

Sonyń biri - Sh.Dildábekov aýyl okrýginde turatyn Ramazan Hodjanov. Ol óz ıeligindegi 5 gektar egistik jeriniń 2 gektaryna aqpan aıynda erte pisetin qyryqqabat egip, jýyrda alǵan óniminiń bárin tegis saýdalap bitken bolatyn. Endi mine araǵa kún salmaı, erte pisetin qaýyn egý isine kirisip ketti.

«Byltyr oblys ákimi Ómirzaq Shókeev aýdanymyzǵa jasaǵan jumys saparynda bir jerden eki ret ónim alý týraly tapsyrma bergen bolatyn. Osy tapsyrmaǵa oraı biz de eki ret ónim alý isine kirisip kettik. Óıtkeni, bizdiń aýdanymyzdyń klımaty dıqanshylyqpen aınalysý úshin óte qolaıly. Onyń ústine sharýalar úshin memleket tarapynan jasalyp jatqan kómekter kóp. Memlekettiń ózi qoldap turǵanda neden qorqýymyz kerek. Ózime tıesili jerime qyryqqabat egip, ony jınap aldym. Ári qaraı sol jerge erte pisetin qaýyn egip jatyrmyn»,- deıdi Ramazan Hodjahmetuly.

Jalpy aýdan boıynsha bıyl 11361 gektar aýmaqqa erte egiletin qaýyn men qarbyz egilgen.