Jetisaılyq polıtseı keıýanany órtten qutqardy

JETІSAI. QazAqparat – Jetisaılyq polıtseı Aıan Haırýllaev keıýanany órt ortasynan aman alyp shyqty. Jaqyn mańda sý bolmaǵandyqtan laýlaǵan jalyndy topyraq shashyp júrip sóndirgen, dep habarlaıdy QazAqparat tilshisi.

Oqıǵa Qazyǵurt aýdanynda bolǵan. Shymkentten kele jatqan tártip saqshysy dúkennen sý almaq bolyp aıaldapty.

Sol sátte kishkene qyz úıinde órt shyqqanyn aıtyp, anasyn qutqarýǵa kómek suraǵan.

Birden oqıǵa ornynan barǵan Aıan Haırýllaev keıýanany úıden alyp shyqpaq bolady.

Degenmen, jalyn sharpyǵan qýraǵan shóp úıge kirýge mursha bermeıdi. Jan-jaǵynda sý da joq.

Sodan qasyndaǵy serigimen birge topyraq shashyp joldaǵy órtti sóndirgen. Apany da qaýipsiz jerge alyp shyqqan.

«Oılanyp turýǵa ýaqyt bolmady. Qyzmet barysynda oqyp-úırengen órt qaýipsizdigi týraly erejeniń paıdasy kóp tıdi. Biz úshin turǵyndardyń amandyǵy ári tynyshtyǵynan asqan baqyt joq»,-deıdi Jetisaı aýdandyq polıtsııa bóliminiń kóshi-qon qyzmeti bólimshesiniń bastyǵy, polıtsııa kapıtany Aıan Haırýllaev.