Jetisaılyq kópbalaly ana memlekettiń qoldaýymen kásibin dóńgeletip otyr
JETІSAI. QazAqparat – Túrkistan oblysy, Jetisaı aýdanynyń turǵyny Aıgúl Janseıitova búginde memlekettik qoldaýdyń sharapatyn kórip, kásibin dóńgeletip otyr. Tiginshilikke beıim kópbalaly ana 7 jyl buryn kásipkerlik kýrstaryn oqyp, arnaıy sertıfıkat alǵan, dep habarlaıdy QazAqparat tilshisi.
Ábıbýlla aýylynyń turǵyny qolyna kýálik tıgen soń, aýdandyq jumyspen qamtý ortalyǵyna qujattaryn tapsyrǵan. Arnaıy komıssııa músheleriniń sheshimimen onyń qujattary maquldanyp, «Eńbek» memlekettik baǵdarlamasy arqyly qaıtarymsyz 505 myń teńge alǵan. Bir aptada qolǵa tıgen qarjyny tıimdi paıdalanyp, árbiri 185 myń teńge turatyn tigin mashınalaryn satyp alǵan. Búginde ortalyq bazardaǵy shaǵyn tigin tsehyn keńeıtip, ózinen bólek taǵy 4 qyz-kelinshekti turaqty jumyspen qamtyp otyr. Tiginshilerge ortasha eseppen 60 myń teńgeden jalaqy tólep keledi.
