Jetisaılyq kópbalaly ana kásibin dóńgeletip otyr

JETІSAI. QazAqparat – Túrkistan oblysy, Jetisaı aýdanynyń turǵyny Aıgúl Janseıitova búginde memlekettik qoldaýynyń sharapatyn kórýde, dep habarlaıdy QazAqparat tilshisi.

Tiginshilikti kásip etken kópbalaly ana 7 jyl buryn kásipkerlik kýrstaryn oqyp, arnaıy sertıfıkatyn alǵan.

Ábıbýlla aýylynyń turǵyny qolyna kýálik tıgen soń, aýdandyq jumyspen qamtý ortalyǵyna qujattaryn tapsyrǵan. Arnaıy komıssııa músheleriniń sheshimimen onyń qujattary maquldanyp, «Eńbek» memlekettik baǵdarlamasy arqyly qaıtarymsyz 505 myń teńge alǵan. Bir aptada qolǵa tıgen qarjyny tıimdi paıdalanyp, árbiri 185 myń teńge turatyn tigin mashınalaryn satyp alǵan. Búginde ortalyq bazardaǵy shaǵyn tigin tsehyn keńeıtip, ózinen bólek taǵy 4 qyz-kelinshekti turaqty jumyspen qamtyp otyr. Tiginshilerge ortasha eseppen 60 myńnyń jalaqy tólep keledi.

Aıgúl Janseıitovanyń aıtýynsha, memleket tarapynan taǵy da qarjylaı qoldaý bolyp jatsa kásibin ary qaraı keńeıtýge daıyn. Aıta keteıik, kópbalaly ana ashqan tigin tsehynda kıimderdi qysqartyp qana qoımaı tapsyrys boıynsha da tigedi. Dızaın men eńbek aqy tapsyrys berýshiniń tańdaýyna qaraı júrgiziledi. Kásipker sondaı-aq, tiginshilikke qyzyǵýshylyq tanytqan qyz-kelinshekter oqý kýrstarynan úıretedi.