Jetisaılyq eki túlek UBT-dan 139 ball jınady
NUR-SULTAN. QazAqparat - Túrkistan oblysy Jetisaı aýdanynda 2019 jylǵy maýsym aıynda ótkizilgen UBT-nyń qorytyndysy shyqty, dep habarlaıdy aýdandyq ákimdiktiń baspasóz qyzmeti.
22-26 maýsym kúnderi aralyǵynda ókizilen testileýge 1701 túlek qatysqan bolatyn. Shákitterdiń UBT-ǵa qatysý paıyzy 67,7 paıyzdy qurasa, ortasha ball 79,7 paıyzǵa jetti. 490 túlek 100-den joǵary ball jınasa, eń joǵary ball 139-dy qurady.
Naqtyraq aıtsaq, №6 B. Momyshuly atyndaǵy mektep gımnazııasynyń 2 túlegi Gúljaına Beısenbaı men Ásel Júnisbekova eń joǵarǵy 139 ball jınady. Budan bólek, 151 shákirt 120-dan joǵary, 339 oqýshy 100-119 aralyǵynda, 736 túlek 60 pen 99 aralyǵynda ball jınaǵan. Nátıjesinde oqýshylardyń UBT-ǵa qatysý kórsetkishi 65,07 paıyzdy qurap, ótken jylǵa qaraǵanda 2,87 paıyzǵa ósken.
Aıta keteıik, jalpy bıyl Jetisaı aýdanyndaǵy 70 mektepti 2626 túlek bitirdi. Olardyń 1709-y UBT tapsyrýǵa ótinish bildirse, 1701 talapker qatysty. Al 8 oqýshy UBT-ǵa qatysýdan óz erkimen bas tartqan.
QR Bilim jáne ǵylym mınıstriniń 2017 jylǵy 2 mamyrdaǵy №204 buıryǵymen bekitilgen Ulttyq biryńǵaı testileýdi ótkizý qaǵıdasyna sáıkes Ulttyq biryńǵaı testileý qańtar, naýryz, maýsym jáne tamyz aılarynda ótkizildi.
