Jetisaılyq dıqandar júzim alqaptarynan 3 myń tonnaǵa jýyq ónim aldy
TÚRKІSTAN. QazAqparat - Túrkistan oblysy Jetisaı aýdanynda qaýyn, qarbyz jınaý naýqany aıaqtalýǵa jaqyn. Óńir dıqandary júzim terý jumystaryn jalǵastyrýda, dep habarlaıdy QazAqparat tilshisi.
Aýdanda jalpy kólemi 650 gektar júzim alqaby bar bolsa, onyń 82,5 gektary aǵymdaǵy jyly otyrǵyzylǵan. Qazirgi tańda jetisaılyq dıqandar júzim alqaptarynan 2832 tonna ónim jınap úlgerdi. Jetisaı aýdanynyń ákimi Jamantaı Beısenbaev qojalyqtardyń júzimdik alqabynda bolyp, jıyn-terim jumystarynyń barysymen tanysyp shyqty.
«Seriktestikterdiń ıeleginde 75 gektar alma, 92 gektar júzimdik alqaby bar. Almanyń bir kelisi 100-150 teńge, al júzimniń bir kelisi 80-100 teńge aralyǵynda satylýda. Óndirilgen ónimniń basym kópshiligi elimizdiń soltústik oblystary men kórshiles Reseı eliniń shekaralas aımaqtaryna jóneltilýde», - dedi Jamantaı Beısenbaev.
Seriktestiktiń jumysyna jańa serpin tilegen aýdan ákimi aldaǵy ýaqytta óńirde qarqyndy baý kólemi men júzim plantatsııalaryn ulǵaıtý kózdelip otyrǵandyǵyn jetkizdi.
Aıta keteıik, Jetisaı aýdanyndaǵy júzim alqaptarynyń basym kópshiligi Keńes zamanynda álemge aty málim bolǵan Abaı aýyl okrýginde ornalasqan. Atalǵan okrýgte qazirgi tańda 293,5 gektar júzdik alqaby jaıqalyp tur. Qazirdiń ózinde abaılyq dıqandar 1362 tonna júzim jınap, aýdanda kósh bastady.
