Jetisaılyq dıqandar Reseıge alǵashqy qaýyndy jóneltti
JETІSAI. QazAqparat - Túrkistan oblysy Jetisaı aýdanynda qaýyn pisip, saýdaǵa shyǵaryla bastady. Jergilikti dıqandar alǵashqy 30 tonna baqsha ónimderin kórshiles Reseı eline jóneltti, dep habarlaıdy QazAqparat tilshisi.
Dıqan Ǵabıt Sabdenov aldaǵy eki-úsh kúnde taǵy da 90 tonna qaýyndy Máskeý qalasynyń saýda ortalyqtaryna attandyrmaq. Bıyl 30 gektarǵa qaýyn ekken sharýa qojalyǵynyń jumysymen Jetisaı aýdanynyń ákimi Jamantaı Beısenbaev arnaıy baryp tanysyp, sharýalarmen sóılesip qaıtty. Dıqandardyń aıtýynsha, bıyl egistik jumystary jyldaǵydan erte bastalǵan. 8 naýryz kúni 30 gektar egistik alqapqa qaýynnyń 250 myń túp kósheti otyrǵyzylyp, baqsha ónimi 70 kún aralyǵynda jetilip shyqqan. Onyń 15 gektaryn «F-1 Dakara», 15 gektaryn «Aeroport» sorty quraıdy. Endi birer kúnde jetisaılyq dıqandar alǵashqy qarbyzdaryn Reseı eline jóneltýdi josparlap otyr. Qazirdiń ózinde satyp alýshylar egistik alqap basynda artý jumystaryna ázirlený ústinde.
Aıta keteıik, bıyl Jetisaı aýdanynda 15 myń gektardan astam jerge qaýyn-qarbyz egilgen. Onyń 8 myń gektardan astamyn qaýyn daqyly quraıdy.
