Jetisaılyq dıqandar qyryqqabat egýdi bastady
NUR-SULTAN. QazAqparat - Túrkistan oblysy Jetisaı aýdanynyń dıqandary egistik alqaptaryndaǵy jumystaryn bastap ketti. Egin egýdi erte bastaǵan Atameken, Eralıev aýyl okrýgteriniń dıqandary qazirdiń ózinde jalpy 12 gektar jerge qyryqqabat otyrǵyzyp úlgergen, dep habarlaıdy oblystyq ákimdiktiń baspasóz qyzmeti.
«Ulman ata» sharýa qojalyǵynyń tóraǵasy Baqyt Qorǵanbaev qyryqqabat kóshetin egýdi jeltoqsan aıynda bastap ketken.
«Bizdiń aýdan erte kóktem shyǵatyn aımaqqa jatady. Jylda aýa raıynyń osyndaı qolaılylyǵyn tıimdi paıdalanyp, egistik jumystaryn erte bastaýǵa qamdanamyz. Qazirgi tańda 2 gektar aýmaqqa qyryqqabat otyrǵyzdyq. Ótken jyly osy jerden 70 tonna ónim alǵanbyz, bıyl 100 tonnaǵa jetkizýdi josparlap otyrmyz», – dedi qojalyq ıesi.
Al, Eralıev aýyldyq okrýginiń dıqany Nurbol Ámetov qyryqqabatty tamshylatyp sýǵarý tehnologııasymen egýdi bıyl da qolǵa alyp otyr. Ol bul ádis ónim kólemin 2 esege arttyratynyn aıtady. Dıqandar negizinen qyryqqabattyń 65 kúnde pisetin «Zakaz» jáne «Valıkor» sorttaryn egip jatyr.
Aıta keteıik, jalpy aýdanda bıyl 78 500 gektar aýmaqqa egis egiledi josparlanyp otyr. Sonyń 1000 gektary erte pisetin qyryqqabatqa arnalǵan. Ótken jyly 1007 gektarǵa qyryqqabat egilip, odan 36 myń tonna ónim jınalǵan.
