Jetisaıdaǵy ógeı sheshe qorlaǵan qyzdardyń ákesi teris dinı aǵymdy ustanady
TÚRKІSTAN. QazAqparat - Túrkistan oblysy Jetisaı qalasyndaǵy ógeı sheshe qorlaǵan qyzdar oqıǵasyna qatysty tyń málimetter belgili boldy, dep habarlaıdy QazAqparat.
Oblystyq polıtsııa departamentiniń málimetinshe, tergeý basqarmasy isti óz óndirisine aldy
«Qazirgi kezde kúdikti áıel QR QK-niń eki babymen jaýapqa tartylyp jatyr. Atap aıtqanda, QR QK 110-baby «Azaptaý» jáne 140-baby «Kámeletke tolmaǵandardy tárbıeleý boıynsha mindetin oryndamaý» baptary boıynsha is qozǵalǵan. Qyzdardyń ákesi - destrýktıvti dinı aǵymnyń ustanýshysy. Bul qylmystyq is QR ІІM-niń jáne oblys prokýrorynyń baqylaýynda» delingen habarlamada.
Eske sala keteıik, keshe Jetisaı qalasynda ógeı sheshe qyzdaryna ıne tyǵyp, tońazytqyshqa otyrǵyzyp azaptaǵany belgili bolǵan edi. Qylmystyq is qozǵalyp, áıel qamaýǵa alyndy. Aıta keteıik, qyzdardyń denesinen soqqy izin kórgen muǵalimder polıtsııaǵa habar bergen. Búgin bilim jáne ǵylym mınıstrligi oqıǵany der kezinde anyqtap, aldyn almaǵan mektep dırektory men synyp jetekshileri, aýdan basshylyǵy tártiptik jazaǵa tartylatynyn málimdedi.
