Jetisaıdaǵy koronavırýs juqtyrǵan naýqas 23 naýryzda Nur-Sultannan kelgen
TÚRKІSTAN. QazAqparat – Túrkistan oblysynda indet juqtyrǵan naýqas Jetisaı aýdanynyń turǵyny bolyp shyqty. Bul týraly oblys ákiminiń orynbasary Sáken Qalqamanov feısbýk áleýmettik jelisindegi paraqashasynda jarııa etti, dep habarlaıdy QazAqparat tilshisi.
Sáken Qalqamanovtyń habarlaýynsha, shalǵaı aýdannyń turǵyny óńirge Pavlodar-Qyzylorda baǵytyndaǵy poıyzben kelgen.
«Koronavırýs juqtyrǵan azamat 27 naýryzdan beri qyzýy kóterilip aýyrǵan. Aýrýhanaǵa 30 naýryz kúni qaralǵan. Naýqas 21 naýryz kúni Nur-Sultan qalasynan Pavlodar-Qyzylorda baǵytyndaǵy poıyzben Qaraǵandy qalasyna toqtaǵan. Alty saǵat vokzalda otyrǵan ol ary qaraı Petropavl-Qyzylorda baǵytyndaǵy poıyzǵa 22 naýryz kúni saǵat 6:00-de otyrǵan. 23 naýryz kúni Shymkent qalasynan túsken. Ary qaraı jeke kólikpen Jetisaı qalasyna jolǵa shyqqan. Ázirge anyqtalǵany - naýqaspen 16 adam qarym-qatynasta bolǵan. 5 adam Nur-Sultan qalasynda baılanysta bolsa, 11 adam - Jetisaı qalasynyń turǵyndary» delingen paraqshada.
Aıta keteıik, Túrkistan oblysynda búgin koronavırýs juqtyrǵan naýqas anyqtalǵany habarlanǵan bolatyn.
