Jetisaıda jol jóndeý jumystary qarqyndy júrgizilýde

JETІSAI. QazAqparat - Jetisaı aýdanyndaǵy joldardy bıyl orta jáne kúrdeli jóndeýden ótkizý úshin 3 mlrd teńgege jýyq qarjy bólingen. Qazirgi tańda 136 shaqyrym jol jóndeýden ótkizilýde, dep habarlaıdy QazAqparat Túrkistan oblysy óńirlik kommýnıkatsııalar qyzmetine silteme jasap.

Jalpy aýdan boıynsha 17 kóshege aǵymdaǵy jol jóndeý jumystaryn júrgizýge bıýdjetten 5 mln teńge bólinip, qazirgi tańda jóndeý jumystary júrgizilip jatyr.

Aıta ketetin bolsaq, Jetisaı aýdany boıynsha orta jóndeýden ótkizýge aýdandyq mańyzy bar 5 joldyń jáne 192 ishki kósheniń smetalyq qujattamalary jasaqtalǵan. Jalpy quny 2 mlrd 846 mln 344 myń teńgeni quraıdy. Oǵan qosa, aýdan boıynsha uzyndyǵy 141 shaqyrymdy quraıtyn 291 topyraq kóshege aǵymdaǵy jóndeý (tas tóseý) jumystaryn júrgizý maqsatynda smetalyq qujattama jasalyp, jalpy quny 872 mln teńgeni quraǵan. Odan bólek, 2019 jyldyń sońyna deıin Jetisaı qalasy boıynsha 32 kóshege orta jáne aǵymdaǵy jol jóndeý jumystary júrgiziledi. Al, Jetisaı aýdany boıynsha 116 kóshege aǵymdaǵy jóndeý jumystary jasalatyn bolady. Bulardyń ishinde 67 kóshege asfalt tóselse, 49 kóshege tas tóselgen. Qazirgi tańda atalǵan jumystardyń 70 paıyzy oryndalǵan. Jyl sońyna deıin tolyq 100-i aıaqtalatyn bolady.