Jetisaıda jeńil kólik sýǵa batyp, júrgizýshisi qaza tapty
JETІSAI. QazAqparat – Jetisaı aýdanynda jeńil kólik júrgizýshisi kóligimen sýǵa batyp, kóz jumdy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, 60 jastaǵy júrgizýshiniń jergilikti kanaldardyń birine batyp ketkeni týraly habarlama túngi saǵat 02:12-ler shamasynda túsken. Sol mańdaǵy aýyl turǵyndary kólikti sýdan shyǵaryp alǵan. Alaıda kólik júrgizýshisiniń denesi kólikten tabylmaǵan. Tuǵyndar ony sýǵa aǵyp ketken dep joramaldap, súńgýirlerdi shaqyrtqan.
Oqıǵa ornyna «Shardara» qutqarý beketinen 5 qyzmetker 1 kólikpen jetip, motorly qaıyqpen kanaldy qarap shyqqan. Kúndizgi saǵat 11.57-ler shamasynda júrgizýshiniń máıiti jol kólik oqıǵasy bolǵan jerden 500 metr qashyqtyqta tabyldy.
