Jetisaıda jastar forýmy ótti

Sharaǵa aýdan ákimi Jamantaı Beısenbaev pen «Nur Otan» fılıaly tóraǵasynyń birinshi orynbasary Ábdimanap Baıdýllaev jáne aýdannyń túrli salada jetistikke jetip júrgen 250-ge jýyq belensendi jas qatysty.

Elbasynyń bıylǵy jyldy jastar jyly dep jarııalaýy jetisaılyq jastarǵa serpin berip, atalǵan forým sol murat bıiginen tabylý úshin uıymdastyryldy. Aýdan jastarynyń qoǵamdaǵy belsendiligin arttyrý maqsatynda ótken sharada túrli salada kózge túsip júrgen jetisaılyq jastar óz oılaryn ortaǵa saldy.

Zamandastaryn zerdeli de, zeıindi, bilimdi de, básekege beıimdi, eldi, jerdi, otandy súıýge úndedi. Minbede alǵashqy bolyp sóz alǵan «Syrdarııa» ýnıversıtetiniń 3- kýrs stýdenti, «Sanur» telearnasynyń jýrnalısti Bekbolat Satýov zamandastaryn belsendi bolýǵa shaqyrdy. Munan soń kópshilik aldyna «Jastar ortalyǵynyń» janynan qurylǵan «Eriktiler klýbynyń jetekshisi Aqmarjan Tólep pen «Jastar resýrstyq ortalyǵy» janynan qurylǵan «Jalyn» debat klýbynyń jetekshisi Tabıǵat Aralbaev óz oılaryn ortaǵa saldy.

Sondaı-aq, B.Momyshuly atyndaǵy mektep - gımnazııasynyń 10 synyp oqýshysy, hımııa páni boıynsha oblystyq olımpıadanyń jeńimpazy Qazybek Jumabaev pen dáriger Perızat Ahmetovalar, jas bloger Beıbit Qazybekovter de zamandastaryna jańa serpin syılady.

Jıyndy qortyndylaǵan aýdan ákimi Jamantaı Beısenbaev jastar tarapynan forýmda kóterilgen máseleler men utymdy usynystardyń eleýsiz qalmaıtyndyǵyn atap ótti. Aýdandyq «Jastar resýrstyq ortalyǵyna» sý jańa shaǵyn avtobýstyń kiltin saltanatty túrde tabys etti.

Aıta keteıik, búginde Jetisaı aýdanynda 172 myńnan asa halyq tursa, sonyń 14-29 jas aralyǵyndaǵy jastary sany 49 823-ti quraıdy. ıAǵnı, aýdan turǵyndarynyń 30 paıyzy jastar bolyp otyr. Olardyń sapaly bilim alyp, órkenıetten qalys qalmaýy úshin aýdanda 1 joǵarǵy jáne 4 arnaýly oqý orny bilim beredi.