Jetisaıda úsh balany qaǵyp, oqıǵa ornynan qashqan 40 jastaǵy turǵyn ustaldy
JETІSAI. QazAqparat - Túrkistan oblysynda kámeletke tolmaǵan balalardy qaǵyp, oqıǵa ornynan qashyp ketken kúdikti ustaldy, dep habarlaıdy QazAqparat.
Buǵan deıin, Túrkistan oblysy Jetisaı aýdanynda kámeletke tolmaǵan balalardyń qatysýymen jol-kólik oqıǵasy oryn alyp, oǵan kináli kúdiktiniń izdestirilip jatqany týraly habarlaǵan bolatynbyz.
Búgin jergilikti polıtsııa qyzmetkerleriniń tııanaqty jumysynyń nátıjesinde kúdikti ustaldy.
Naqtyraq aıtar bolsaq, 14 aqpanda Jetisaı aýdandyq polıtsııa bólimine aýrýhanadan túrli dene jaraqatymen 3 birdeı kámelet jasyna tolmaǵan balanyń jetkizilgeni týraly habarlama kelip túsken.
Oqıǵa ornyna jedel jetken polıtseıler sol kúni keshki saǵat 17:50 shamasynda Jetisaı qalasyndaǵy S.Erýbaev kóshesi boıynda belgisiz avtokólik ońtústikten soltústik baǵytyna qaraı júrip bara jatyp, 3 jasóspirim balany soǵyp ketip, jol apatyn jasaǵanyn anyqtady.
Oqıǵa saldarynan úsh bala da aýrýhanaǵa jetkizildi.
ıAǵnı 16 jáne 13 jas shamasyndaǵy balalar túrli dene jaraqatymen emhanada em qabyldasa, nebary 4 jasar búldirshin jansaqtaý bólimine túsip, kóz jumdy.
Atalǵan jaıt Jetisaı aýdandyq polıtsııa bóliminde eki birdeı bappen, QR QK 345-baby jáne kúdiktiniń oqıǵa ornyn tastap ketkeni úshin QR QK 347-baby boıynsha tirkeldi.
Bul qylmysty jedel ashý maqsatynda aýdan polıtseıleri kúdiktini anyqtaýǵa qatysty jedel izdestirý jumystaryn júrgizdi.
Oqıǵa ornyn tııanaqty teksergen tártip saqshylary sol orynnan belgisiz avtokóliktiń artqy jaryq shamdarynyń synyqtary men aına synyqtaryn aldy.
Bul zattar «Aýdı-100» markaly avtokóligine tıesili jáne kóliktiń túsi surǵylt qara bolýy yqtımal dep boljanyp, izdestirý jumystary joǵary deńgeıde atqaryldy.
Nátıjesinde oqıǵaǵa qatysty kúdikti retinde jasy qyryq shamasyndaǵy Jetisaı qalasynyń jergilikti turǵyny quryqtaldy.
Polıtseılerdiń kólikke qatysty jasaǵan boljamy da rastalyp, kúdiktiniń «Aýdı 100» markaly avtokóligi bar ekeni anyqtaldy.
Qazirgi ýaqytta ustalǵan azamat qamaýda, tergeý amaldary júrgizilýde. Al kólik aıypturaqqa qoıyldy. Saraptama taǵaıyndaldy.
«Oqıǵa ornynan qandaı jaǵdaı bolsa da qashyp ketýge bolmaıdy. Sonymen qatar jol erejesin muqııat saqtaý mańyzdy» dep eskertedi polıtseıler.
