Jetisaıda tártip saqshysy bolǵysy keletin jastar úshin «Ashyq esik kúni» ótti
JETІSAI. QazAqparat – Túrkistan oblysynyń Jetisaı aýdanynda tártip saqshysy bolǵysy keletin jastar úshin «Ashyq esik kúni» uıymdastyryldy. Aýdandyq polıtsııa bólimi janynan qurylǵan halyqtyq keńsede polıtseıler ishki ister organdaryna qyzmetke turýǵa nıeti bar azamattarǵa túsindirme jumystaryn júrgizdi, dep habarlaıdy QazAqparat tilshisi.
Túrkistan oblystyq Polıtsııa departamentiniń baspasóz qyzmetinen málim etkendeı, sharaǵa jalpy 20-ǵa jýyq mektep bitirýshi túlekter men jas bilimgerler qatysqan. Bolashaqta polıtsııa qyzmetkeri bolǵysy keletinderdiń arasynda boıjetkender de boldy. Olarǵa qajetti maǵlumattar berilip, suraqtaryna tuşymdy jaýap aldy. Sondaı-aq, tájirıbeli mamandar qıyndyǵy men qaýpi basym jumystary barysyn baıandap, qyzmetteriniń qyr-syrymen bólisti. Tártip saqshylary úshin jasalatyn jaqsy jaǵdaıdy da aıtyp ótip, jastarmen ashyq suhbat júrgizdi. Jastar arasyndaǵy jumyssyzdyqty joıyp, ishki ister salasyna ornalasýdy maqsat etken azamattarǵa qyzmetke ornalasýǵa mol múmkindik beriletini jaıly aýqymdy túsindirme sharalary júrgizildi. Oǵan qosa QR ІІM-niń oqý ornyna túsý jóninde málimetter aıtyldy.
