Jetisaıda Sultanbek Qojanovtyń 125 jyldyǵy atalyp ótti
JETІSAI. QazAqparat – Túrkistan oblysy Jetisaı aýdanynda Alashtyń ardaqtysy Sultanbek Qojanovtyń 125 jyldyǵy atalyp ótti, dep habarlaıdy QazAqparat tilshisi.
«Ultynyń uly tulǵasy» atty saltantty jıynǵa aýdandyq bilim bóliminiń basshysy Tursyn Myrzalıev pen «Tursynaı ana» meshitiniń bas ımamy Nurlan Aldabergenov, Dildábekov aýyldyq okrýgi ákiminiń mindetin atqarýshy Erkin Jambýlov pen aýdandyq bilim bóliminiń mamandary, ardager ustazdar men BAQ ókilderi qatysty.
S.Qojanov atyndaǵy №42 jalpy orta mektebi uıymdastyrǵan shara Qazaqstan men Orta Azııanyń qoǵam qaıratkeri, bilikti ustaz, ǵalym, pýblıtsıst, daryndy aqyn, alymdy aýdarmashy, ádebıettanýshy, jýrnalıst Sultanbek Qojanovtyń eskertkishine gúl shoǵyn qoıýmen bastaldy. Jıynǵa kelgen qonaqtar quttyqtaý sóz arnap, estelikter aıtty. Atalǵan mekteptiń dırektory Arap Júnisovke «S.Qojanov - 125 jyl» estelik tósbelgisi tabys etildi.
«Tursynaı ana» meshitiniń bas ımamy «Ultynyń uly tulǵasy» bola bilgen azamattyń arýaǵyna arnap quran baǵyshtady. Jıyn sońy ádebı-tanymdyq keshke ulasty.
