Jetisaıda sý tapshylyǵyn aldyn alý sharalary júrgizilýde
JETІSAI. QazAqparat - Sońǵy bir aptada Jetisaı aýdanynda aǵyn sý tapshylyǵy sezile bastady. Bul týraly Jetisaı aýdany ákiminiń baspasóz qyzmeti habarlady.
Qazirgi tańda kórshiles Ózbekstan Respýblıkasynan «Dostyq» kanalyna sekýndyna nebári 51,45 tekshe metr sý jiberilýde. Budan bólek, «MASh» kanalǵa Syrdarııa ózeninen mashınalyq nasostyq stantsııa kómegimen sekýndyna 27,50 tekshe metr aǵyn sý tartylýda. Bul kólem maqtashylardyń aǵyn sýǵa degen suranysyn tolyq qanaǵattandyra almaıdy. Osy túıtkildiń túıinin tarqatý maqsatynda Jetisaı aýdanynyń ákimdigi Qaraǵandy oblysynan arnaıy kanal tazalaǵysh «Draglaın» jyljymaly tehnıkasyn aldyrtyp, «MASh» kanal ultanyn tazartý jumystaryn bastap jiberdi.
Jetisaı aýdanynyń ákimi Jamantaı Beısenbaev táýligine 100-150 metr kanal ultanyn tazalaýǵa múmkindigi bar tehnıkanyń jumysymen tanysyp, nasostyq stantsııanyń mamandaryna naqty tapsyrmalar júktedi.
«Draglaın» jyljymaly tehnıkasynyń jumysqa kiriskenine búgin ekinshi kún. «MASh» kanalǵa aǵyn sý tartatyn kanaldyń ultanyn tazartý jumystary endi ǵana qarqyn ala bastapty. Aýdan ákimi arnaıy tehnıkanyń toqtaýsyz jumys isteýine barlyq jaǵdaıdy jasaý qajettigin eskertti.
«Aýdanymyzda aǵyn sý tapshylyǵy sezile bastady. Qazirgi tańda maqta egistik alqaptarynyń aǵyn sýdy naǵyz qajet etip otyrǵan shaq. Sondyqtan arnaıy tehnıkanyń jumysyna kedergi keltirmeı, kerisinshe qolǵabys jasap, Syrdarııa ózeninen tartylǵan kanaldyń ultanyn tazartyp alýymyz qajet. Bul bizge «MASh» kanaldaǵy aǵyn sý aǵynyn jyldamdatyp, qajetti aǵyn sý kólemin paıdalanýymyzǵa septigin tıgizedi», - dedi Jamantaı Qanaıuly.
Munan soń aýdan ákimi «MASh» kanal basynda ornalasqan №1, № 2, №3 nasostyq stantsııalardyń jumysymen tanysyp, kútip, baptap ustaýǵa tıisti tapsyrmalar berdi.
