Jetisaıda pavlovnııa aǵashynyń tuqymbaǵy ashyldy
JETІSAI. QazAqparat - Túrkistan oblysynyń Jetisaı aýdanynda 1 gektar jeri bar tuqymbaqqa pavlovnııa aǵashyn dán arqyly ósirý qolǵa alyndy, dep habarlaıdy QazAqparat oblys ákiminiń baspasóz qyzmetine silteme jasap.
«Bıyl Jetisaı aýdanynyń ákimi Jamantaı Beısenbaevtyń bastamasymen óńirdegi aýdandyq, oblystyq, respýblıkalyq mańyzy bar kóshe boılaryna jáne qala, kent, aýyldyq okrýgterde 40 myńnan astam kóshet eshildi. Sonyń 1 myńǵa jýyǵyn pavlovnııa kósheti», delingen habarlamada.
Jalpy pavlovnııa aǵashy Shyǵys Azııanyń tropıktik aımaǵynda kóptep kezdesedi. Tabıǵı jaǵdaıda Qytaıda ósiriledi. Kúnshyǵys elinde búginde bul aǵashtyń 10-ǵa jýyq túri bar. Bulardyń bıiktigi 20 metrge jýyqtaıdy. Kóktemde japyraqtary búrshik jarmas buryn shyraǵdan tárizdi gúlshoǵyry gúldeıdi. Gúlderi kúlgin-qyzǵylt tústi bolady.
Budan basqa, aldaǵy jyly aýdanda 1 gektar jerge záıtún aǵashyn otyrǵyzý jumystary bastalmaq. Qazirgi tańda 1 gektar aýmaqqa qajetti záıtún kóshetteri jylyjaıdaǵy qutylarǵa otyrǵyzylyp, arnaıy kútip-baptaý jumystary atqarylýda. Mamandar bul záıtún kóshetterin Ózbekstannan ákelingen. 
Eske sala ketsek, Saryaǵash aýdanynda pavlovnııa aǵashy ósirile bastaǵan bolatyn.
