Jetisaıda koronavırýstan qaıtys bolǵan naýqastyń áıeli indet juqtyrdy
TÚRKІSTAN. QazAqparat – Túrkistan oblysynda koronavırýs ınfektsııasyn juqtyrǵandar sany 49 adamǵa jetti. Óńirdegi shalǵaı ornalasqan Jetisaı aýdanynda 20 adamnyń osy indetke shaldyqqany anyqtalyp otyr, dep habarlaıdy QazAqparat tilshisi.
Oblystyq tótenshe jaǵdaılar shtabynyń málimetinshe, sońǵy táýlikte Jetisaı aýdanynyń Asyq ata aýylynda 1980 jyly týǵan turǵynnyń qaýipti vırýsty juqtyrǵany rastalǵan. Ol COVID-19 ınfektsııasymen aýyratyn naýqaspen jaqyn baılanysta bolǵan.
Sondaı-aq, Jetisaı qalasynyń 1956 jyly týǵan azamatshasynan koronavırýs ınfektsııasy anyqtalǵan. Ol 4 sáýir kúni qaıtys bolǵan Jetisaı qalasynyń turǵynynyń jubaıy ekeni belgili bolǵan. Qazirgi tańda oblys boıynsha toǵyz aýdan-qalada koronavırýs juqtyrǵan naýqastar em qabyldaýda.
«Barlyq naýqastardyń jaǵdaıy qanaǵattanarlyq, shaǵymy joq. Vırýs juqtyrǵandar qazirgi ýaqytta oqshaýlanyp, tıisti em qabyldaýda. Atalǵan azamattarmen baılanysta bolǵandardy anyqtap, oqshaýlaý jumystary júrgizilýde. Buǵan deıin 1956 jyly týǵan naýqas 4 sáýir kúni qaıtys bolǵan edi» delingen habarlamada.
