Jetisaıda eki soǵysqa qatysyp, tyń ıgergen 103 jastaǵy ájeı turady
TÚRKІSTAN. QazAqparat- Túrkistan oblysy Jetisaı aýdany Jańa aýyl aýyldyq okrýginiń ákimi otbasymen baryp 100 jasaǵan analardyń batasyn aldy, dep habarlaıdy QazAqparat tilshisi.
Jańa aýyl aýyldyq okrýginiń ákimi Nurlybek Bahtııarov Yntymaq eldi mekeniniń 103 jastaǵy turǵyny Aısara Baımuratova men Úrimaı Baıǵabekovany otbasymen birge arnaıy quttyqtap baryp, ǵasyr jasaǵan keıýanalardyń batasyn aldy.
1919 jyly dúnıe esigin ashqan Aısara Baımuratova balalar úıinde tárbıelenipti.
Ekinshi dúnıejúzi jáne Japon soǵysyna qatysqan. Soǵystan keıingi jyldary tyń ıgerýge belsene atsalysyp kanal qazǵan.
Otbasyn quryp 3 qyz, 2 ul tárbıelep ósirip olardan 40 astam nemere jáne 4 shópshek súıip otyr.
Aq jaýlyqty ananyń 2 qyzy jáne 2 kelini batyr ana atanǵan.
Al, Úrimaı Baıǵabekova tyń ıgerý jumystaryna belsene qatysqan. 4 ul, 3 qyz tárbılep ósirip, 40 tan astam nemere súıip, balalarynyń arasynda baqytty ǵumyr keshýde.
«Júz jasaǵan aq jaýlyqty analarymyzdyń aq batasyn alý baqyty buıyrǵanyna shúkir. Osyndaı abzal analardyń qaıtpas qaısarlyǵy men tózimdiligi — bizge úlgi. Soǵys pen ashtyqty, joqshylyqty kórgen aldyńǵy býyn aǵa-apalarymyzdyń ómirin otbasyma balalaryma úlgi etip ákeldim. Bizdi beıbit kúnge jetkizgen, bar ómirin eńbekke arnaǵan jandardyń aldynda qashanda bas ıemiz», - dedi aýyl ákimi Nurlybek Perdebekuly.
Balalar ájelerge merekelik gúl men arnaıy tortty tartý etti.
Sondaı-aq, ıyǵyna oramal jaýyp, syı qurmet kórsetti.
