Jetisaıda bıyl 115 myń tonna maqta jınalǵan

JETІSAI. QazAqparat - Túrkistan oblysy Jetisaı aýdanyndaǵy maqta alqaptarynda jıyn-terim jumystary qyzý júrip jatyr. Qazirgi tańda dıqandardyń qoımasyna 115 myń tonna maqta jınaldy, dep habarlaıdy QazAqparat.

Óńirlik kommýnıkatsııalar ortalyǵynyń málimetinshe, aq altynnyń ónimdiligi gektaryna 23,6 tsentnerden túsip otyr. Sharýalar birinshi terim jumystaryn birneshe kúnde tolyǵymen aıaqtaıdy.

Aýdanda bıyl 48 943 gektar aýmaqqa maqta dáni sebilgen. Jetisaı aýdanynda maqta túsimdiligi jaǵynan Atameken aýyl okrýgi kósh bastap keledi.

Ondaǵy sharýalar maqtanyń ár gektarynan ortasha eseppen 27,6 tsentnerden ónim alsa, Eralıev aýyl okrýginde 26,8 tsentnerlik túsimmen úzdik úshtiktiń qatarynan kóringen.

Al, Abaı aýyl okrýginiń maqtashylary 26,5 tsentnerlik ónimdilik kórsetkishine qol jetkizdi.

Búgingi tańda Atameken aýyl okrýginiń maqtashylary - 14 myń 769 tonna, Jylysý aýyl okrýgi - 13 myń 783 tonna, Maqtaly aýyl okrýgi -12 myń 597 tonna maqta jınap úlgergen.