Jetisaıda batyr Amangeldi Imanovtyń nemeresi daýys berdi

TÚRKІSTAN. QazAqparat - Jetisaıda batyr Amangeldi Imanovtyń nemeresi daýys berdi, dep habarlaıdy QazAqparat tilshisi.

Jetisaı aýdany, J.Eralıev aýyldyq okrýgi Jeti qazyna eldi mekeniniń turǵyny, ult azattyq kóterilistiń qolbasshysy, batyr Amangeldi Imanovtyń nemeresi Rysbaı Rahymbaev ta óz tańdaýyn jasap, daýys berdi.

1951 jyly týǵan Rysbaı Rahymbaevtan taraǵan 10 perzenti men 50-ge tarta nemeresi búginde atalǵan aýylda úlken áýletke aınalyp otyr. Búgin batyr urpaqtary kezekten tys ótip jatqan Qazaqstan Respýblıkasy Prezıdentiniń saılaýynda da belsendi tanytty. Bári de eldiń jarqyn bolashaǵy úshin óz tańdaýlaryn jasaǵan. Ýchaskelik saılaý komıssııasy batyrdyń urpaǵyna qurmet kórsetip, qazaqy dástúrmen ıyǵyna shapan japty. «Allaǵa shúkir, elimiz tynysh, shekaramyz bútin, uıqymyz qanyq, qarnymyz toq. Keıbir elderdegideı oqtyń úni estilip jatqan joq. Bizdiń endigi maqsatymyz – qol jetkizgen jetistikterimiz ben jeńisterimizdi saqtap, odan ári damytý. Ol úshin búgingi jasaıtyn tańdaýymyz úlken mańyzǵa ıe»,- deıdi batyrdyń nemeresi. Aıta keteıik, shaǵyn ǵana eldi mekende ornalasqan №240 saılaý ýchaskesinde 778 saılaýshy bolsa, onyń 4-i birinshi ret daýys beretinder.