Jetisaıda aıaǵy saý er adam múgedek arbasyna otyryp qaıyr suraǵan

TÚRKІSTAN. QazAqparat - Shymkent qalasynyń turǵyny Jetisaıǵa baryp, qaıyrshylyqpen aınalysqan. Jalǵan múgedek bolyp, arbaǵa otyrǵan ony tártip saqshylary jaýapqa tartty, dep habarlaıdy QazAqparat tilshisi.

Jetisaı aýdandyq polıtsııa bóliminiń ýchaskelik polıtsııa ınspektorlary qaıyrshylyqpen aınalysýdy ádet etken 3 turǵyndy anyqtap, olarǵa QR ÁQBtK-niń 449-babymen «Qoǵamdyq oryndarda tıisý» negizinde hattama toltyrdy. Atalǵan quqyq buzýshy 3 er adamnyń ekeýi jergilikti, bireýi Shymkent qalasynyń turǵyny bolyp shyqty.

«Olar ortalyq bazarda qaıyrshylyq jasaǵan. Budan buryn eskertý de berilgen. Sonymen qatar, jurtqa alaqan jaıyp, qaıyr surap otyrǵan shymkenttik er adamnyń múgedekter arbasynda otyrǵany jaı kózboıaýshylyq ekeni belgili boldy. ıAǵnı, tekserý kezinde onyń óz aıaǵymen júre alatyny anyqtaldy» - deıdi polıtsııa maıory Elaman Abıshev.