Jetisaıda 90-ǵa jýyq muqtaj otbasy baspanaly boldy

NUR-SULTAN. QazAqparat - Túrkistan oblysy Jetisaı qalasynda úı kezeginde turǵan 88 muqtaj otbasy baspanaly bolyp, qýanyshqa keneldi. Páter kiltteri tabystalǵan kópqabatty úıler «Nurly jer» baǵdarlamasymen salynǵan, dep habarlaıdy Túrkistan oblysynyń Óńirlik kommýnıkatsııalar qyzmeti.

Jetisaı aýdanynyń ákimi Murat Qadyrbek kópbalaly analarǵa saltanatty túrde páter kiltin usyndy.

«Shynymdy aıtsam kúni keshege deıin bizge páter syılaıtynyn bilmedik. Bul jańalyq bizdiń otbasy úshin úlken tosyn syı boldy. Buǵan deıin biz aıadaı jerdi jaldap kúneltip keldik. Endi mine, óz páterimizge de qol jetkizdik. Atsalysqan barsha jandarǵa alǵys aıtamyn»,- dedi kópbalaly ana Zýhra Sahıeva.

«Úısiz azamattardyń qataryn azaıtý - bizdiń basty maqsatymyz» - degen aýdan basshysy Murat Bolatuly baspana salý isi aldaǵy ýaqytta da jalǵasyn tabatyndyǵyn aıtty. ıAǵnı, turǵyn úı kezeginde turǵan árbir azamatty baspanamen qamtamasyz etý maqsatynda júıeli túrde jumystar atqaryla bermek.