Jetisaıda 7 myń túp aǵash otyrǵyzyldy
JETІSAI. QazAqparat – Túrkistan oblysy, Jetisaı aýdanynda otyrǵyzylǵan kóshetterdiń basym kópshiligi jergilikti baqta ósirilgen. Búginde óńirde saıabaqtar men gúlzarlardy, kóshe boılaryn kógaldandyrý jumystary júrgizilýde, dep habarlaıdy QazAqparat tilshisi.
Aýdandaǵy erikti jastar Jetisaı qalasy men Yntymaq aýylyn baılanystyratyn, sonan soń, Qazybek bı aýylyn baılanystyratyn úlken joldyń boıyna shyrsha kóshetterin otyrǵyzdy.
Sondaı-aq, ótken jyly egilgen kóshetterdiń kóktemeı qalǵandaryn aýystyrý jumystaryn jasaǵan.
Óńirdiń basty demalys orny bolyp tabylatyn ortalyq saıabaqta qazirgi ýaqytqa deıin 1500 túp qaraǵaı, terek, pavlonııa, shyrsha, qara tal, aǵashtary egilgen. Aldaǵy aptada saıabaq qosymsha 1000 túp kóshettermen kógaldandyrylmaq. Saıabaqtarǵa kóshetterdi otyrǵyzý jáne ony ákteý jumystary da atqarylyp keledi.
Qazirgi kezde aýdanda kóshetter egilgen jerlerdiń aryq atyzdary tazalanyp jatsa, jańadan egiletin jerlerge qosymsha aryqtar alynǵan. Jalpy osy kezge deıin aýdan boıynsha 7 myń túp aǵash otyrǵyzylǵan. Jospar boıynsha áli 3 myń túp egiletin bolady.