Jetisaıda 5 jasar qyz ben shaqalaqty ata-anasy qulyptaýly kólikte qaldyryp ketken
JETІSAI. QazAqparat - Jetisaıda qulyptalǵan kólik ishinde 5 jasar qyz ben shaqalaq sábı qalyp qoıǵan, dep habarlaıdy Polisia.kz.
Jetisaı APB kezekshi bólimine jergilikti turǵyn, ıaǵnı kýágerlerdiń biri habarlasyp, Jetisaı qalasy kósheleriniń birinde Toyota Camry kóliginiń ishinde 5 jasar qyz ben bópeniń qulyptaýly qap ketkenin aıtqan.
Oqıǵa ornyna birden shyqqan polıtseıler tıisti tekseris jumystaryn júrgizdi.
Nátıjesinde balalardyń ata-anasy anyqtalyp, jaýap alyndy.
Erli-zaıyptylardyń aıtýynsha, olar dıagnostıkalyq ortalyqqa kezekke turyp kelý úshin ketken.
Bul aralyqta 10 mınýt shamasynda ýaqyt ótken.
Atalǵan jaıt boıynsha tártip saqshylary aldaǵy ýaqytta bundaı jaǵdaıdyń qaıtalanbaýy úshin kishkentaılardyń ata-anasyna túsindirý jumysyn júrgizdi.
Qazirgi tańda náreste men jasóspirim qyzdyń jaǵdaıy jaqsy. Ata-anasymen birge.
