Jetisaıda 450–ge jýyq kásipkerdiń zattary tolyǵymen janyp ketken
«Kásipkerlerdiń janǵan múlikteriniń shyǵyny sanalyp jatyr. 1 jylǵa deıin bazarda salyq jınalmaıdy. Kásipkerlerdiń nesıesi shegeriledi. 15-20 kúnde bazar óz qalpyna keledi» - deıdi Túrkistan oblystyq máslıhatynyń hatshysy Qaırat Balabıev.
Qazigi tańda oqıǵa sebepterin anyqtaý jáne órtten zardap shekkenderge kómek kórsetý jónindegi komıssııa jumys istep jatyr.
«Adam shyǵyny joq. Zattaryn almaq bolǵan eki adam aıaqtaryn tilip alǵan. Olarǵa alǵashqy medıtsııanalyq kómek kórsetildi. Órttiń sebebi men kólemi arnaıy komıssııanyń jumysy barysynda anyqtalady» - deıdi Túrkistan oblysy TJD bastyǵynyń orynbasary Baqytjan Zaparov.
Aıta keteıik, búgin túnde Jetisaıdaǵy «Kúlparshyn» bazarynan órt shyǵyp, bazardaǵy saýda qatarlarynyń tyǵyz ornalasqan jeri, matalar men kıim keshekter, turmysqa qajetti zattar satatyn aýmaǵy otqa oranǵan bolatyn.
https://kaz.inform.kz/news/zhetisay-bazaryndagy-ortke-baylanysty-komissiya-kuryldy_a3971452
