Jetisaıda 3 jasar búldirshin tún jarymynda jalǵyz júrgen
JETІSAI. QazAqparat - Túrkistan oblysy, Jetisaı aýdanynda 3 jasar búldirshin tún jarymynda jalǵyz júrgeni anyqtaldy. Túngi ýaqytta kezekti shaqyrtýǵa shyqqan polıtseıler adasyp qalǵan balany taýyp alǵan, dep habarlaıdy QazAqparat tilshisi.
Oblystyq PD baspasóz qyzmetiniń aıtýynsha, Jetisaı jedel-tergeý tobynyń qyzmetkerleri saǵat 04:30 shamasynda shaqyrtý boıynsha jolǵa shyqqan.
Olar «Abaı» saıabaǵynda shamamen 3-4 jastaǵy kishkentaı balanyń jalǵyz júrgenin baıqap qalady.
Tártip saqshylary ul baladan qaıda turatynyn suraǵanda, tili tolyq shyqpaǵan búldirshin naqty jaýap bere almaǵan.
Bolmaǵan soń polıtseıler odan ary balanyń ata-anasyn anyqtap, úıin tabý maqsatynda ol tabylǵan aýmaqtaǵy úılerdi jeke-jeke aralap shyqqan.
Balanyń fotosýretin kórsetip, izdestirý is-sharalaryn júrgizgen. Nátıjesinde joǵalǵan balany izdep júrgen áıeldi tapqan.
Ol búldirshinniń naǵashy ápkesi bolyp shyqqan. Tekserý kezinde anyqtalǵandaı, úı-ishi tolyq uıyqtap jatqanda oıanyp ketken bala úıinen shyǵyp ketken.
Tańerteń anasy uıqydan turǵanda qasynda balasy bolmaǵannan keıin olar polıtseılerge habarlamastan ózderi izdeı bergen.
